مقالات العام

آيار غيمة دفو إلى كل ساعد اسمر والى كل نقطة عرق تعب نضحت للبناء ... حسين جهيد الحافظ

حبله ابتعب عامل
تمطر حلم من تبتسم
احديثه او فرگ مايل
زيدوا الفرح عالفرح
 
أيار يستاهل
** **
شامه اعله خد الوكت
واعيون تجدح شمس
ضحكه اعله شفة طفل
هلهوله ليلة عرس
امن الحزن جاب الفرح
امن الوحشه خضر ونس
شايل سوالف زلم
طيب او أمل شايل
زيدوا الفرح عالفرح
أيار يستاهل
** **
من حمد ماخذ طبع
من كاوه بيه سوله
اشما ضاگ خلگ الوكت
ايمد خلگه اشطوله
أيار بوسة نده
تغفه اعله خد ورده
همسة حبيب او محب
جذلانه من مده
طائي الطبايع كرم
ما رد أبد سايل
زيدوا الفرح عالفرح
آيار يستاهل

  • تعليقات
  • تعليقات الفيس بوك
Item Reviewed: آيار غيمة دفو إلى كل ساعد اسمر والى كل نقطة عرق تعب نضحت للبناء ... حسين جهيد الحافظ Rating: 5 Reviewed By: admin.gfiw
إلى الأعلى